أعطيني 500 ريال واعلمك زوجك متزوج عليك وإلا لا

> > يقول احدهم
> >
> > هذه قصة سمعتها ويقول ناقلها أنها حقيقية .
> >
> > تدور القصة حول مديرة مدرسة عزباء غابت عن المدرسة يومين
ولما عادت لمدرستها قابلنها المدرسات سلامات وينك يا مديرة ؟
> >
> > قالت لهن باركولي تزوجت .
> >
> > قالن مبروك يامديرة ولكن منهو زوجك ؟ .
> >
> > قالت لهن بصراحة زوجي هو زوج إحداكن .
> >
> > المدرسات تكفين علميننا أي وحدة منا ؟
> >
> > قالت المديرة والله ما أعلمكن .
> >
> > المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الــ500 على الطاوله
واللي آخذ الـ500 حقتها مو زوجها
واللي أخلي الـ500 حقتها على الطاولة ولا آخذها
فهو زوجها عيب علي اتزوج زوجها وآخذ بعد منها 500 ريال .
> >
> > وافقن المدرسات على الطريقة .
> >
> > ويوم جاء بكرا وكل وحدة مزهبه معها الدراهم .
> >
> > جت الأوله والثانية والثالثة والرابعة حتى العاشرة والمديرة تاخذ الدراهم .
> >
> > يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
> >
> > ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .
> >
> > المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟
> >
> > قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين ..
> >
> > المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم .
> >
> > دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .
> >
> > يوم طلعت لقنها عايدية وماصار شي وفلوسها أخذتها المديرة .
> >
> > قالن يابنات فيه وحده منكن ماخذت المديرة دراهمها ؟
> >
> > قالن لا والله كلنا اخذت دراهمنا .
> >
> > ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟
> >
> > قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبكن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .
> >
> > قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا .
----------------------
من بريدي

هههههههههههههههه

ايه سبق وقرأتها مره فلللله هالمديره

اثبتت ان الحريم تفكريهم محدود للأسف خخخخخخ

الله يسامحها على عملتها

يسلموووو البوووو

خخخخخخخخخخخخخخخخخخخخخخخخخ

كح كح انفضي الغبار بسسسسسسسسسسس

يااااا قدمها يا ام البزران ::_

عااااااادي ولا بيهمني
اصلا احنا بنسوي ايقونه مكتوب عليها مغبر
كخخخخخخخخخخخخخخخخخخخخخخخخخخخخخخخخخخخ

كككككككخخخخخخخخخخخخخخخخخخخخخخخخخ
حركه حلوه <<<<توها تعرف السالفه كلي مغبره

الله يجبر بخاطرك
ترى الشينه ماغير تكح

ولكني صامده ولا بيهمني
هبل